Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Shamolvoyning sayohati

Olqor DAMIN

 

Shamolvoy bir kun

Tog‘larga bordi.

O‘h-ho‘, hamma yoq

Yashnab yotardi!

Ana, lolazor –

Bir to‘p qizbola!

Shovullab, pastga

Chopar shalola.

So‘ngra tog‘lardan

Tushdi pastroqqa.

Duch keldi bunda

Ko‘m-ko‘k o‘tloqqa.

Uchib o‘ynardi

Kapalakchalar.

Yaproqlar xursand –

Qarsaklar chalar.

So‘ngra erinmay

Cho‘llarga bordi.

O‘h-ho‘, qumlar zap

Isib yotardi!

Oxiri, charchab,

Uxladi-qoldi.

Boshida to‘rg‘ay

Musiqa chaldi.

2016–2023 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.