Kumush qishda zerikib biroz,

Ko‘zni tikdik bahor yo‘liga.

Ko‘klam kirib keldi, qanday soz!

Mushtoq bo‘ldik uning guliga.

Qishning ayoz kuni betayin,

Tutdi bahor isin xumori.

Toqqa chiqib kuzatdim sekin,

Har daraxtda uning tumori.

Yana takror bahor keladi,

Hidlab-hidlab to‘yib olaman.

Afsus, takror tashlab ketadi,

Keyin yana kuyib qolaman.

  Lazina MIRZOMAHMATOVA,

Namangan viloyati So‘x tumani 22-maktab, 8-sinf