Nuragan paxsa devor

Bag‘rida eski tandir.

Mung‘ayib bazo‘r turar,

Ko‘rgan labini burar.

Ichi-tashi yorilgan,

Bilmam qachon qurilgan,

– Tashlaylik sharta  buzib,

Yotavermasin to‘zib, –

Dedim dadamga bir kun.

Dadam biroz oldi tin:

– Bu bobong qurgan tandir,

Buving yopgan non, patir.

To‘ydirgan qornimizni

Va ulg‘aytirgan bizni.

– Chuqur xo‘rsindi otam

Va ish boshladi birdan.

Somon solib qordi loy,

Ham tandirga topdi joy.

Suvadi mehr bilan,

Tandir yoshardi biram.

Onam jizza non yopdi,

Tandir qadrini topdi.

Bobom ruhi bo‘ldi shod,

Ham buvimni qildik yod.

Safarali TUROBOV, Toshkent shahar Sergeli tumanidagi

350-maktabning 11-sinf o‘quvchisi