O‘g‘il-qizlar qoraqosh,

Rasm chizishni sevar.

Besh yoshmi, to‘rt, olti yosh,

Hammasi birdek chevar.

Oyni chizar, yulduzni,

O‘rmonda turli hayvon.

Suvda baliq, qunduzni,

Qaldirg‘ochli keng ayvon.

Chizarlar qirda bahor,

Rang-barang gullarni ham.

Qushlar sayrashin sahar,

Oilasi jamuljam.

Baxtning shaklin chizishar,

Orzular mo‘l, ziyoda.

Va aytishar barchasi:

“Tinchlik bo‘lsin dunyoda!”

Saodat MUSAYEVA