Yulduzlardan guldastalar

Tuzaman o‘zim,

Ilmingizdan shoda durlar

Tizaman o‘zim.

Sizga bo‘lgan muhabbatim

Kamalak rangda

Yuragimga o‘chmas qilib

Chizaman o‘zim.

Qalb to‘rida ifor sochgan

So‘nmas gultojim,

Ta’zimdaman bir umrga

Sizga, Ustozim!!!

So‘zingizdan mo‘jizalar

Sehrini topdim,

Ko‘zingizdan  ona quyosh

Mehrini topdim.

Bilimlarning gulshanida

Kezib shodumon,

Shaloladay bolaligim

Bahrini topdim.

Qalb to‘rida ifor sochgan

So‘nmas gultojim,

Ta’zimdaman bir umrga

Sizga, Ustozim!

Zulxumor ABDURASULOVA,

Andijon viloyati

Jalaquduq tumani

Nafaqadagi o‘qituvchi