Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Bilim bog‘i

Bilim bog‘i cheksiz mevaga to‘la,

Sarhadi bepoyon, shunchalar ham keng.

Insoniyat anglagan bilimlar esa

Bu bog‘ning bir shingil mevasiga teng.

 

Uning chin bog‘boni donolar erur,

Ma’rifat peshvosi – qalbi go‘zallar.

Bu boqqa kirdimi bir iz qoldirur –

Asrlar oshguvchi she’r, bayt, g‘azallar.

 

Baxtimni, taxtimni shu bog‘da ko‘rdim,

Ko‘rdim ezgulikning eng cho‘qqisini.

Shodlanib zo‘r, shirin xayollar surdim,

Qog‘ozga tushirdim qalbim aksini.

 

Rahmat G‘OFUROV,

O‘zDJTU qoshidagi akademik litsey o‘quvchisi

2016–2023 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.