Orzu qilgin, yetasan albat,

Yaxshi niyat bu yarim davlat.

Harakating hozirdan boshla,

Yalqovliging uloqtir, tashla.

Oʻqi, oʻrgan – boʻlasan dono,

Bilimdadir koʻp hikmat, maʼno.

Yaxshilik qil yomonlarga ham,

Yaxshilik-la goʻzaldir olam.

Hunar oʻrgan, sira tinmagin,

Oʻrgansang-da yana tinmagin.

Hunarsiz hayot baxtga toʻlmas,

Hunarli kishi hech xor boʻlmas.

Yodingda tut: jahl – dushman, aql – doʻst,

Har ish, har kishida bordir kam-u koʻst.

Birovga hech qazimagin choh,

Oʻzing tushib ketarsan nogoh.

Bobom soʻzin sizga aytarman,

Bu soʻzlarni oʻgit atarman.

Unga amal qilgan yaxshidir,

Zero, hikmat umr naqshidir.

Komila HAMROYEVA,

OʻzMU Jurnalistika fakulteti 2-bosqich talabasi