Ilm-u maʼrifatdan soʻylar hidoyat,

Yetti pir nazari – ming bir rivoyat.

Qadim karvon oʻtgan azim yoʻllarda,

Tarixi uxlaydi hatto choʻllarda.

“Dil bayor-u dast ba kor” – asli haqiqat,

Naqshband bobomiz hayoti hikmat.

Buxoriy, Sino-yu Somoniy yodin,

Gʻurur-la eslaylik biz zurriyodi.

Dunyoni lol etgan hayrat timsoli

Minorayi Kalon – Sharqning jamoli.  

Tangrim nazar solgan bebaho gavhar,

Buxoro, iqboling boʻlsin muzaffar!

Nilufar HALIMOVA,

Buxoro tumanidagi

20-maktabning 9-sinf oʻquvchisi