Kuz ayvoni xazonrezgi

Uyum-uyum uyilar.

Shoʻbalagin selkillatib,

Momom urchuq iyirar...

Boshida toj-qosovasi

Momom toʻqir olacha.

Qilichini minib qochar

Kokili bor bolacha.

– Ha, uying donlarga toʻlgur,

Jiplarimdi chuvatma.

Oyogʻimgʻa tushov baylab,

Momogʻinang chuvlatma.

Momom urchuq iyiradi,

Aylanadi dunyo ham.

Olachaning gullariga

Joylanadi dunyo ham.

Kuz ayvoni.

Supachani

Bezab turar olacha...

Momosini topolmasdan

Zor yigʻlaydi bolacha.

Eʼzoza Namozova,

Samarqand Davlat chet tillar instituti roman-german fakulteti ikkinchi bosqich talabasi