Singlim der: “Opajonim,

O‘ynaylik mehmon-mehmon.

Men yasanib kelayin,

Siz kuting bo‘lib mezbon.

Muzlatkichga yaqinda,

Tort qo‘yib ketgan oyim.

Shirinliklar javonda,

Novvotli bo‘lsin choyim”.

Dedim: “Nega menmas, sen

Mehmon bo‘lasan doim?”

Singlim deydi: “Mehmonni

Urishmaydi-da oyim”.

Saidaxon SATTOROVA,

Farg‘ona viloyati Uchko‘prik tumani

Sanoat kasb-hunar kolleji

2-bosqich o‘quvchisi