Bahorimda otgan kurtaksan,

Chamanlarga chiroy qoʻshguvchi.

Tonggi nafis, sof hislarimni

Quchogʻingga olib suyguvchi.

Ilk bor ochib yumuq koʻzimni,

Seni tuydim onam bagʻrida.

Erkalatib, oʻpib yuzimni,

Qoʻllarimdan tutganlarida.

Oʻzingdirsan eng yaxshi darmon,

Madadkorsan betob koʻnglimga.

Sen borsanki qaygʻular armon

Quvonchlardan kulgan yuzimga.

Sen quyoshsan, nurlaring ila

Yer-u koʻkka ohor berasan,

Barcha tirik mavjudotlarga

Samimiyat boʻlib kirasan.

Abdulloh ABDUHAMIDOV,

Fargʻona viliyati Toshloq tumanidagi

45-maktabning 10-sinf oʻquvchisi