Osmonlarni toʻldirib asta,

Qorparchalar oʻynab tushmoqda.

Yer yuziga toʻshab oq parcha

Koʻnglimizga zavq ulashmoqda.

Bolalarning koʻzida quvonch,

Bir-biriga oq koptok otar.

Baʼzilari chana tortadi,

Yana kimdir qor uzra yotar.

Goʻzal qishning ajib ziynati

Doʻstlar shodlik koʻz-la boqadi.

Har faslning oʻz tarovati,

Lek qish bizga juda yoqadi.

Kirib keldi yana Yangi yil,

Yangi yildan omad kutamiz

Yurtimiz tinch boʻlsa, albatta,

Orzu-maqsad sari yetamiz.

Nilufar NORQOBILOVA,

Samarqand viloyati Pastdargʻom tumanidagi “Barkamol avlod”

markazi aʼzosi