Yolgʻizoyoq soʻqmoqdan ketyotgan chogʻda,

Bir bedana uchratdim “Qoracha” togʻda.

Ajib sayrar edi baland ovozda,

Goʻyo kuy yangrardi gʻaroyib sozda.

Qoʻshigʻi dilimga berardi madad,

Tingladim, tingladim qanchadir muddat.

Har sahar shu yerda bedana sayrar,

Xush ovozin tinglab dilginam yayrar.

Bu tabiat kuyi, qishloq sadosi,

Mittigina qushning oʻtli nidosi.

Ohanrabo misol tortar oʻziga,

Joʻshqin ilhom berar shoir soʻziga.

Diyorbek TURDIQULOV,

Jizzax viloyati Gʻallaorol tumanidagi

16-maktabning 11-sinf oʻquvchisi