Qish bag‘rida o‘zgacha olam,

Izg‘irin ham qaynoq mehrli.

Mo‘jizaviy osmon ostida,

Qor yog‘moqda biram sehrli!

Shodlik hissin tuydim sen bilan,

Izg‘irinlar barchasi bekor.

Yiroqlashib ketmagin yerdan,

Samolarga qilma intizor.

Har bir dilga hadya et sevinch,

O‘zing kabi bo‘lsin beg‘ubor.

Ko‘ngil to‘lsin baxtli onlarga,

Yog‘avergin, shodon oppoq qor.

Mardona ZOKIROVA,

Angren Axborot texnologiyalari va sanoati kasb-hunar kolleji o‘quvchisi