Sheʼriyat sultoni Navoiy bobom,

Jahon ahli sizni qilar ehtirom.

Har bir misrangizda hikmat-u maʼno

Nazm osmonida porloq quyoshsiz.

Tarixlarda qoldi oʻchmas izingiz,

Oʻsha iz qalbimda olovdek yondi.

Tafakkurga toʻla har bir soʻzingiz,

Siz tufayli dilda ijod uygʻondi.

Mendan soʻrasalar: “Bu dunyoda kim

Boʻlolgan nazmning asl boshchisi?!”

Yurakda hayajon ila soʻylagum

“Mir Alisher – uning chin yoʻlboshchisi”.

Xurosonning asl oʻgʻloni bobom,

Ahli qalamkashning qalqoni bobom,

Durdona “Xamsa”sin dunyo tanigan –

Sheʼriyat mulkining sultoni bobom.

Hamida MAQSUDOVA,

Buxoro viloyati Shofirkon tumanidagi

3-maktabning 11-sinf oʻquvchisi