Jimlik cho‘kkan, go‘zal sokin tun,

Sutdek oppoq, so‘lim bunchalar.

Chigirtkalar aytar qo‘shig‘in,

Qamishzorlar shoshib kuy chalar.

Oy husnidan yulduz uyalib,

Olislarga qarab uchadi.

Alamidan durday sochilib,

Tun yog‘dusin to‘yib ichadi.

Oy yuziga boqaman takror

Ko‘zim to‘ymas to‘lin husniga.

Yurakkinam tinchir, ehtimol,

Borsam agar uning qasriga.

Zarina AHMEDOVA,

Toshkent pedagogika kolleji

3-bosqich o‘quvchisi