Yorishdi osmonda yana toʻlin oy,

Samo ummonida erkin suzadi.

Yonidan yulduzlar olayotib joy,

Billurdek yaltirab koʻkni bezadi.

Charaqlab turadi Choʻlpon yulduzi,

U mening yulduzim, koʻnglim chirogʻi.

Har tun tinglar qalbim hislarin, soʻzim,

Shu bois bilinmas yoʻlning yirogʻi.

Osuda tin olar mukammal olam,

Uxlagan dalalar, bepoyon qirlar.

Gul-u maysalar ham oromda begʻam,

Ularda yashirin qancha sirlar bor.

Arujan SULAYMONOVA,

Toshkent viloyati Boʻstonliq tumanidagi 38-maktabning 10-sinf oʻquvchisi