Shoirlar madhida dostonim,

Kunday goʻzal, aziz boʻstonim.

Istiqloldan yashnagan diyor,

Ona yurtim, Oʻzbekistonim.

Ulugʻlardan ulugʻ Vatanim,

Men eʼzozlab, suyar chamanim.

Ozod yurtim, keng, obod yurtim,

Sen – muqaddas, tengsiz maskanim.

Quchogʻingda qilyapmiz ijod,

Ilmsevar, barkamol avlod.

Odimlaymiz doim ilgari,

Ajdodlarning ruhin etib shod.

Asilbek BOLTAYEV,

Samarqand viloyati Urgut tumani

61-maktab 8-sinf