Qoʻlida qurol olib, yurt uchun kurashganlar,

Janggohlarda yov bilan ayovsiz savashganlar.

Bobom bilan yonma-yon ogʻir janglarga kirib,

Reyxstagga gʻalaba bayrogʻin qadashganlar.

Inida parchalay, deb oʻsha qonxoʻr zolimni

Jang maydonida aslo pisand qilmay oʻlimni,

Bobom kabi oʻq tegib yarador boʻlsangiz-da,

Zafarlarga chulgʻarman, degandirsiz yoʻlimni.

O yurtdoshim, bir nazar solgin yaqin tarixga,

Vatan uchun jon berdi ne-ne koʻksi qalqonlar.

Men ularni oʻxshatgum koʻkda yulduz Mirrixga,

Xotirada abadiy qolgay oʻshal oʻgʻlonlar.

Behruz ABDUMUTALIPOV,

Toshkent shahar Mirobod tumanidagi 154-maktabning 9-sinf oʻquvchisi