Har kun, har dam men bilan birga,

Hamrohimdir dala-yu qirda.

Katta-kichik, rangi ming turda,

Yaxshi kitob – eng yaqin doʻstim.

Uni oʻqib, qalbim bezayman,

Turfa yurtni, elni kezgayman.

Samolarga qoʻlim choʻzgayman,

Yaxshi kitob – eng yaqin doʻstim.

Zeriktirmas meni hech qachon,

Maʼlum boʻlar yaxshi-yu yomon.

Toʻgʻri yoʻlni topamiz oson,

Yaxshi kitob – eng yaqin doʻstim.

Marjona BOZOROVA,

Surxondaryo viloyati Boysun tumanidagi 3-maktabning 9-sinf oʻquvchisi