Yana bogʻimizda bodom gulladi,

Yana shoʻx bulbullar qoʻshiq kuyladi,

Quyosh bobo koʻkdan asta moʻralab,

Ona tabiatni nurga chulgʻadi.

Salom, ona zamin, tabarruk diyor,

Koʻklamni sogʻingan bobo dehqonim.

Mana iliq kunlar, baraka bisyor,

Bahorni sogʻingan aziz insonim.

Koʻklam qaldirgʻochdan salom yoʻlladi,

Qir-adirlar uzra sekin boʻyladi.

Tabiat yam-yashil toʻnini kiydi,

Yana bogʻimizda bodom gulladi.

Mohlaroy MURODOVA,

Toshkent shahar Yashnobod tumanidagi

255-maktabning 6-sinf oʻquvchisi