Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Yurt ishqi

Bizning yuragimiz yurt ishqi-la band,

Tog‘lar yiqilmasin, ko‘chmasin qoya.

Biz kim, Sohibqiron naslimiz axir,

O‘ziga tortolmas bizga yot g‘oya.

 

Biz shunday qudratli, biz shunday zo‘rmiz,

Hatto ismimizdan taniydi jahon.

Mangu yashagaymiz xalqimiz uchun,

Dunyoda tengi yo‘q yurt – O‘zbekiston!

 

Biz ulkan matonat sohiblarimiz,

Ko‘ngilda armonga joy qoldirmagan.

Bobomiz ishonchin oqlaymiz doim,

Nonini birovga hech oldirmagan.

 

Chunki biz alanga bo‘lib yashaymiz,

Olovmiz, lovullab yonamiz faqat.

Bu ko‘hna dunyoda chin haqiqat bor,

Asli Vatan erur boqiy Muhabbat!

 

Mushtariy MURODJONOVA,

O‘zDJTU qoshidagi Uchtepa akademik

litseyi o‘quvchisi

2016–2020 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.