Farid USMON

Dunyo bolalari

Biri qora, biri oq,

Dunyoning bolalari.

Biri biriga o‘rtoq,

Dunyoning bolalari.

Davra qursa xushchaqchaq,

Dunyoning bolalari.

Bo‘lar bir tizim munchoq,

Dunyoning bolalari.

Do‘stlikni qilib bayroq,

Dunyoning bolalari.

Quyoshga ochar quchoq,

Dunyoning bolalari.

Tinchlikka ochar quchoq

Dunyoning bolalari.

Tush

Akam bilan ikkovimiz,

Bir eshak tutib oldik.

Arqonni yugan qilib,

Ustiga chipta soldik.

– Men tutdim.

– Yo‘q, men tutdim, –

Talashamiz eshakni.

Uyg‘onsam... baqiryapman,

Minib olib to‘shakni.