Qadim Ellikqal’a bog‘-bo‘stonida,

Ustozga ehtirom ramzini ko‘rdik.

Shaharning markaziy xiyobonida

Barchamiz sevinib, hayratda turdik.

Ustozning qo‘lida durdona kitob,

Yoshlarni o‘qishga chorlab turibdi.

Uni ardoqlagan maskani maktab,

Ko‘ngilga soladi ma’rifat – oftob.

Oddiy, salobatli bu ko‘rkam haykal,

Ko‘rganning ko‘ngliga g‘urur soladi.

Atrofiga gullar qo‘yib har mahal,

Yosh avlodlar ibrat, surur oladi.

Sa’dulla OLLOMOV,

Qoraqalpog‘istonda xizmat ko‘rsatgan madaniyat xodimi