O‘xshar ekan nabira,

Misoli sho‘x uloqqa,

Chiqaradi jahlingni,

So‘zing olmay quloqqa.

Uning jajji ko‘zlari,

O‘xshar qaynoq buloqqa.

Sabringni to‘ldiradi,

Tutaverib so‘roqqa.

Ayb ustida ko‘rsang ham,

Tushmas aslo tuzoqqa.

Koyimoqchi bo‘lsang gar,

Qochib ketar uzoqqa.

“Bobojon” deb aytguvchi

Tillari shirin biram.

Sho‘x bo‘lsa ham har doim,

Sog‘lom bo‘lsin nabiram.

Abduolim MUSTAFOYEV,

Qashqadaryo viloyati

Chiroqchi tumani 130-maktab