Qiqir-qiqir kular boychechak,

Jilg‘alar ham unga jo‘r bo‘lar.

Novdalarda jilmayar kurtak,

Dov-daraxtlar orzuga to‘lar.

Qaldirg‘ochlar raqsga tushar,

Maysa go‘yo chalar sibizg‘a.

Goh-goh bulut poyandoz to‘shar,

Tomchilardan yo‘llarimizga.

Orolanar sochini tarab,

Suvda aksin ko‘rib majnuntol.

Qo‘llarimdan ba’zan yetaklab,

She’r yozishga undaydi xayol.

Nodira JO‘RAYEVA,

Buxoro muhandislik-texnologiya instituti talabasi