Boshida Humo qushi,

Avjida sho‘x yallalar.

Aytilmoqda xotirjam

Beshiklarda allalar.

Odimlarimiz shaxdam,

Porloq kelajak sari.

Davron sursin shod-xurram,

Yurtimizda yosh-qari.

Yuksalmoqda har go‘sha,

Tog‘larning xushhavosi,

Kuylanar erta tongdan

Mustaqil yurt navosi.

Bu kun elimiz ilg‘or,

Tan oldi butun jahon.

Har jabhada muzaffar

Bu – bizning O‘zbekiston!

Sabohat RAHMONBERDIYEVA,

Angren shahri 1-kasb-hunar maktabi 1-bosqich o‘quvchisi