Olis muzlik o‘lkasida

Mening go‘sham.

Guvillagan ummon qumni

Berar to‘shab.

Pingvinglarmiz – saf tortganmiz

Qator-qator.

Yashayapmiz, muzlik ichra

Biz baxtiyor.

Zuryodimiz muzlikda

Yuz ochgan lola.

Pingvinlarmiz – tog‘a, jiyan,

Amma, xola.

Ozodamiz, oq ko‘ylag-u,

Qora libos.

Kiyinamiz yolg‘iz bizga –

Pingvinga xos.

Chiniqqanmiz, ummon bilan

O‘ynagaymiz.

Dangasani davramizga

Qo‘ymagaymiz.

Sharifa SALIMOVA,

O‘zbekiston Respublikasida

xizmat ko‘rsatgan madaniyat xodimi