Bir kun kalit maqtanib,

So‘z otdi qulfga qarab:

– Men bo‘lmasam o‘rtanib,

Yotarding yerda zanglab. 

Kalit so‘zin qulf tinglab,          

Javob berdi tezgina:

– Ko‘p maqtanmay ol anglab,

Mensiz sen ham hech nima. 

Shuning uchun sen mening

Qilmagin bag‘rim yakson.

E’zozlayin men seni –

Bahra topsin har inson.

Meni asrab, har kishi

Olib yurar yonida.

Men orqali ko‘p ishi

Hal bo‘lar shu onida.

Men bo‘lmasam ayt, sendan

Nima foyda olishar?

Ishlamay qolsam birdan

Yerto‘laga otishar.

Qulfni tinglab kalitvoy

Biroz o‘yga tolibdi. 

“Hamrohingsiz holing voy”,

Degan saboq olibdi.

Safar Abduvohidov,

Surxondaryo viloyati Sherobod tumani 10-maktab o‘qituvchisi