“5” olaman

Ahdim qat’iy, otajon,

Men bir so‘zli bolaman.

Shu misolni yechsangiz,

Ertaga “besh” olaman.

O‘g‘ri

Samijonning magniti,

Juda chaqqon o‘g‘ri-da.

Buvimlarning ignasin

Olganligi to‘g‘ri-da.

Kasal baho

Dadasi daftarga boqib der:

– “Ikki”ngni tuzatgin, Bobosher.

– Akajon, “ikki”ngiz kasalmi? –

Achinib so‘radi Alisher.

Solijon hoji XUDOYOROV,

Samarqand viloyati Nurobod tumani faxriy o‘qituvchi