- Rukn: Sheʼrlar
- 171 marta ko‘rilgan
Vatan
Ona Vatan baxti deb
Urar jajji yuragim.
Yashnayotgan bog‘larni
Asrash mening tilagim.
Mustaqil yurt meniki
Borliq olami bilan.
Xizmatiga yarayin
Qo‘lda qalamim bilan.
Buloqlar suvlaridan
Yashnaganday qir-adir.
Ekinzor dalalarni
Yashnatuvchi biz, axir.
Tabiat-chi – og‘amiz,
Poklikda tursin mudom.
Bobolarning udumi
Tuganmas mehr-u ilhom.
Vatan nomi bir umr
Bitilmagan she’r bo‘lsin.
Tinchligimiz saqlashda
Har bir yurak sher bo‘lsin.
Ona Vatan baxti deb
Urar jajji yuragim.
Yurtimizning ishiga
Hissa qo‘shish tilagim!..
Hamidulla MURODOV