Men dunyoga boqsam jilmayib,

Go‘zal husning bo‘lar namoyon.

Ta’rifingni maqtab, olqishlab,

Seni jondan sevganim ayon.

Durdek tomgan kiprikdagi yosh,

Chehramdagi tabassum – Vatan.

Ko‘zlarimda porlagan quyosh,

Senga qilgum ming ta’zim, Vatan.

Otash qalbni yondirgan olov,

Bilgin, sira o‘chmaydi, mangu.

Vatan – qancha izlamay hatto,

Men nomini topmagan tuyg‘u.

Erta tongda derazam chertib,

Mehr bilan qaraysan, Vatan.

Aslida men bag‘ringda emas,

Sen qalbimda yashaysan, Vatan!

Muhammadyusuf HASANOV,

Farg‘ona viloyati Oltiariq tumani

1-maktab 7-sinf