Shitir-shitir mayin tovushlar,

Erkalaydi quloqni bir-bir.

Ucholmasdan pitirlab qushlar,

Panalarda tizilar dir-dir.

Tomchilari o‘par yuzingni,

Go‘yo osmon yuborgan salom.

Sekingina yumib ko‘zingni,

Ohangidan olasan orom.

Iforlardan hidlasang to‘yib,

Ko‘chalarda kezsang shalabbo.

Har chechakni erkalab, suyib,

Nihollarni quchasan goho.

Shohsanam Norboyeva,

Samarqand viloyati Nurobod tumani

2-maktab 10-sinf