Salom qutlug‘ dargoh, ey aziz maktab,

Ilm-u fan maskani, tabarruk makon!

Senda o‘rganamiz bilim va odob,

Bilim – yetaklaydi yuksaklik tomon.

Keldik o‘qimoqqa – seni sog‘inib,

Mehribon onadek och quchog‘ingni.

To‘lib zavq-u shavqqa, orzular yuksak,

Simirgali keldik fan bulog‘ingni.

Sendan boshlanadi o‘qib-o‘rganish,

Bilim egallashning eng avj pallasi.

Sen qutlug‘ dargohsan, aziz maktabim,

Sendan boshlanadi yurtning ertasi.

Eshniyoz BURHONOV,

Qashqadaryo viloyati

Chiroqchi tumani 34-maktab