Barchamizning orzumiz

Ezgulikka yetaklar.

Qop-qorongʻu zulmatni

Yoritadi istaklar.

Orzularga yetmoqqa

Avvalo maqsad kerak.

Bu esa uzoq manzil,

Tinimsiz mehnat demak.

Orzu baxt-la beqiyos,

Birga tashlaylik qadam.

Bu yoʻlda qilsa ixlos,

Maqsadga yetar odam.

Shudir asli haqiqat –

Har dilda orzu kezar.

Yurakda boʻlsa soflik,

Omad hayotni bezar.

Ziyodulla HAMIDULLAYEV,

Toshkent shahar Olmazor tumanidagi 185-maktabning 11-sinf oʻquvchisi