Qishloqning havosi biram o‘zgacha,

Maysalari yerni quchib suyadi.

Shirin qovunlari pishar kuzgacha,

Yozning issig‘idan tanang kuyadi.

Bog‘lar o‘z ko‘rkiga mahliyo bo‘lsa,

Tonggi shabnamlardan suv ichar yaproq.

Kuzgi xirmonlardan omborlar to‘lsa,

Dehqonlardan mamnun bo‘ladi tuproq.

Sarvinoz TULIYEVA,

Qoraqalpog‘iston Respublikasi

To‘rtko‘l akademik litseyi o‘quvchisi