Zulmatlarga nur bilan jon ato etgan,

Tun qaʼrida bedor oʻtgan, kurtak otgan,

Barcha shirin tushlarimni dilga bitgan,

Menga quyosh misol boʻlgan – Tong yulduzim.

U orzudir, osmonimda nurlar sochgan,

Qalb qoʻrimga ohor berib, mehr ochgan,

Anduhlarim, tugʻyonlarin dilda yanchgan,

Yuzlarimga kulgu bitgan – Tong yulduzim.

U maqsaddir, olislarda yongan mashʼal,

Orzu-umid uchqunlari yongan yal-yal,

Koʻzlarimga kipriklarim quchib olgan,

Asrandimsan, koʻkda kulgan – Tong yulduzim.

Abdulloh ABDUHAMIDOV,

Fargʻona viloyati Toshloq tumanidagi

45-maktabning 10-sinf oʻquvchisi