2017-yil sonlari

Jahon bilar alplarning kuchin,

Dunyo guvoh, odamlar shohid.

Vatan – xalqni qo‘riqlash uchun

Chegaralab olingan hudud.

Avlodlarning doim ko‘ngli to‘q,

Ajdodlarning makoni – Vatan.

Bu hududning yomon yeri yo‘q,

Xasi – Vatan, tikoni – Vatan.

Yov lashkarin yengish san’atin,

Shiroq bobom hikoya

Aziz muxlislar, yana bir yilni ortda qoldirib, yangi orzu, yangi reja va yangi nom bilan 2017-yilni qarshi oldik. Ijod ahli “Har bir yangi yil – insonga berilgan yana bir imkoniyat”, deb ta’kidlaydi. Durustroq o‘ylab ko‘rilsa, bu juda topib aytilgan gap. Aytaylik, siz o‘tgan yili sport musobaqasida qatnashib, 3-o‘rinni oldingiz. 2017-yilda sizga yana bir imkoniyat berilyapti, 1–o‘rinni

Shu kunlarda respublikamiz bo‘ylab O‘zbekiston xalq shoiri Anvar Obidjonning 70 yillik to‘yi nishonlanmoqda. Qadrli o‘quvchilar, siz uning o‘nlab she’rlarini o‘quv darsliklaringiz orqali yod olgansiz, bir-biridan qiziq qissa, hikoyalarini sevimli gazeta va jurnallaringizda o‘qigansiz, bolalar uchun chop etilgan o‘nlab kitoblari maktab va oilaviy kutubxonangizdan joy olganiga ishonamiz.

Samolyotda parvoz qilish, oppoq bulutlar ustida o‘zingni xuddiki lochinlardek his qilib, atrofni kaftdagi olmadek tomosha qilish haqida qay bir bolakay orzu qilmagan deysiz. Osmon kengliklariga boqib ne xayollarga cho‘mmagan. Ko‘kda parvoz qilayotgan samolyotni ko‘rganda “samolyot, samolyot, meni olib ket...” deya qayta-qayta baqirmagan bolakay ham orangizda bo‘lmasa kerak. Bu nimadan

Bu kasb sohibalari faoliyatidan bexabar tengqurlaringiz uchun shuni aytishimiz mumkinki, styuardessa – barcha kasblar ichida eng qiziq va jozibalisidir. Shu sababli kelajakda bu sohada mehnat qilishni istovchi qizlar o‘z orzulariga bugundan harakat qilishi lozim. Chunki styuardessa – orasta, chiroyli kiyingan bo‘lishi bilan birga bilimli va eng muhimi, bir nechta tilni mukammal bilishi zarur.

Samolyotda parvoz qilishdan qo‘rqadigan kishilarning eng katta xavotiri, bu – samolyotning uchish va qo‘nish jarayonidir. Mutaxassislar fikricha, bunday insonlar qanotlar ustidagi o‘rindiqlardan joy egallagani ma’qul. Sababi bu o‘rindiqlar samolyotning og‘irlik markazi va ko‘tarilish markaziga yaqinroq bo‘lgan qismida joylashgan.

Bu ko‘p sodir bo‘ladigan hodisa bo‘lib, bunda samolyotga kam shikast yetadi. Eng xavflisi, qushlar galasi bilan to‘qnashish oqibatida bir yoki bir nechta qushning samolyot dvigateli ichiga kirib ketishidir. Bunda dvigatel parraklarining harakat muvozanati buzilishi natijasida turli darajadagi xavf-xatar yuzaga kelishi mumkin.

Soha mutaxassislari fikricha, zarar yetkazmaydi. Ammo mobil telefonlar ham o‘zidan o‘ta yuqori chastotali signallar tarqatishini hisobga olsak, ha, deyishga asosimiz bor. Shu sababli parvoz vaqtida o‘z va o‘zgalar xavfsizligi uchun yaxshisi, “sotka”ngizni o‘chirib qo‘yganingiz ma’qul.

Mana shu ehtimoliy xavfning oldini olish uchun ham har bir davlatning o‘z havoyo‘llari va bu parvozlarni nazorat qilib turuvchi ishchi guruhi mavjud. Shuningdek, bugungi zamonaviy laynerlar sodir bo‘lishi mumkin bo‘lgan to‘qnashuv haqida xabar yetkazuvchi qurilmalar bilan jihozlangan.

Bugungi kunda dunyodagi eng zamonaviy samolyot ham uzog‘i bilan 12000 metr balandlikka ko‘tarila olish imkoniyatiga ega. Qushlarning imkoniyati esa bundan ancha past. Ammo Ginnesning Rekordlar kitobida baland uchuvchi qushlarga doir qiziq, shu bilan birga, kishini hayratga soluvchi bir ma’lumot qayd etilgan ekan. Ya’ni 1973-yilning 29-noyabr kuni Abidjan (Kot-d’Ivuar) osmonida 11 277 metr

– Umida Abdujabborovna, 6-sinfdagi Doston Karimovning rasm chizishga yaxshigina layoqati bor ekan. U bilan alohida shug‘ullansammikan, – dedi navbatdagi darsdan so‘ng tasviriy san’at o‘qituvchisi Rahimjon Rasulovich direktorga maslahat ohangida.

– Juda soz, biroq bu tashabbusni yanayam kengaytirsak-chi, – jilmaydi Umida opa, – maktabimizda Dostonbekka o‘xshash iste’dodli bolalar ko‘p,

Oqqushlar

Besh-olti yosh edim chamasi,

Ko‘lga olib borganda bobom.

Bir to‘p oqqushlarning galasi

Suv yuzida etardi xirom.

Yuraklarda zarra g‘ubor yo‘q,

Qamishzorlar chayqalar beg‘am.

Bir xil rangdan iborat borliq,

Qanday go‘zal edi bu olam?!

Ertaklarga to‘la ko‘zlarim,

G‘am

Ovsey Driz,

yahudiy shoiri

Sirli hodisa

Qo‘shiq kuylar bir bola,

Qo‘sh darvoza yonida.

Ajabtovur kuy sehri –

Jo‘sh urardi qonida.

Qo‘lida zarang taxta,

Temir eshik jaranglar.

Ajabtovur sadodan

O‘tgan-ketgan alanglar.

Skripkachi usta

Joldasboy Nurllayev,

Qoraqalpoq shoiri

Vatanim bolasiman

Men otamning bolasi,

Men Vatanning bolasi,

Men onamning erkasi,

Ko‘zining oq-qorasi.

Orol bo‘yi makonim,

Men Amuning o‘g‘liman.

To‘lib-toshgay Orolim,

Yuragi

Xuddi yil fasllariga o‘xshab bolalarning fe’l-atvori ham turlicha bo‘ladi. Kimdir o‘rtoqlari bilan o‘yindan beri kelmasa, kimningdir do‘sti yo‘q. Yana biri arazchi bo‘lsa, boshqasiga gap ta’sir qilmaydi, bittasi so‘zamol, ikkinchisi kamgap. Shu sababli ular xarakter xususiyatlaridan kelib chiqib, ba’zi muammolarga duch kelishadi. Bu borada uzoq bosh qotirib o‘tirmasdan keling, yaxshisi,

“O‘zbekistonning Birinchi Prezidenti Islom Karimov har bir uchrashuvda bolalarga qarata,“Mening aziz bolalarim, hammangizni bag‘rimga bosaman, barchangizni yaxshi ko‘raman”, derdi. Ana shu mehr bois qishloqlarda ham shahar maktablaridan qolishmaydigan o‘quv muassasalari, sport zallari qurildi, kerakli sharoitlar yaratildi. Bu esa biz aka-singillarga ham olis tog‘lar

Qadim zamonda podshohning voyaga yetgan sohibjamol qizi kasal bo‘lib qolibdi. U hech narsa yemay, kun-u tun qimirlamay yotaverganidan, ozib-to‘zib ketibdi. Saroy tabiblari qizni qanday dard bilan og‘riganini topisha olmabdi. Darg‘azab podshoh mulozimlariga buyuribdi:

– Nahotki, mening mamlakatimda qizimni davolaydigan tabib topilmasa?! Qayerdan bo‘lmasin, tabib topib

Abdulhay Nosirov juda bolajon ijodkor. Shundanmi, dilini zavqqa to‘ldirgan kuzatuvlarni goh she’r, goh hikoya tarzida sizga ilinadi. U kishining o‘nlab she’rlari qo‘shiq bo‘lgan. Hammamiz mazza qilib tinglaydigan “Men oftobning qiziman”, “Qizg‘aldoq” qo‘shiqlari muallifi ham Abdulhay aka bo‘ladilar.

Kuni kecha “O‘zbekiston” NMIUda

Do‘rmondagi “Ijod uyi” tomon yo‘l oldim. Har galgidek tanish bekatga kelib tushdim. Masofa unchalik olis emas, ikki chaqirimcha yayov yurish kerak. O‘tgan yili may oyida kelganimdagi go‘zal manzaralarni xayoldan o‘tkazib ikki yuz metrcha yurganimni bilaman, Qibray tarafdan “Yo‘ldan qoch!” deya chinqirganicha pishqirib poyezd kelayapti. Oldinda esa temiryo‘lning qoq o‘rtasidan bir yoshgina

Ushlasangiz bir mayin,

Yog‘aversin tinmayin.

Biram oppoq beg‘ubor,

Xush ko‘rdik, birinchi qor.

Berkitib oftoboydan,

Issiq, degan saroydan.

Sumalak – sovuq dastyor,

Erima, birinchi qor!

Sadoqatoy NORMAHMATOVA,Qashqadaryo viloyati Yakkabog‘ tumani

41-maktab o‘quvchisi

Mushuk dedi Sichqonga:

– Senga ajib sovg‘am bor.

Kelsang, birga o‘ynaymiz,

Ko‘rsataman don-ombor.

Don tashishga o‘rgangan

Sichqon chiqdi inidan.

Poylab turgan Mushukvoy

Tappa bosdi dumidan.

Gulnihol MUHAMMADJONOVA,

Farg‘ona viloyati O‘zbekiston tumani 2-maktab 7-sinf

Sekin-asta qo‘ndi qo‘limga,

Qorparchalar bunchalar mitti.

To‘shar oq libosin yo‘limga,

Yumshoqqina pardayin xuddi.

To‘polon qilsa ham izg‘irin,

Do‘stim, qishning kelgani yaxshi.

Xuddi zardek yoqqan qorparcha

Kumush qishning ziynati, naqshi.

Robiya AVAZOVA,

Toshkent viloyati Yangiyo‘l

Savatchamni to‘ldirdi,

Sabzi, turp va pomidor.

Osh-ovqatni boyitgan

Turfa xil vitamin bor.

Dumalaydi rediska,

Salatbopdir baqlajon.

Sabzavotli taomlar

Dasturxonimda mehmon.

Laziza QIYOMOVA,

Toshkent shahar 285-maktab 5-sinf

Bolalikning sururli

Dami go‘zal sen bilan.

Hayotimning mazmuni

Do‘stim erursan, “Gulxan”.

Seni olsam qo‘limga,

Shodlik to‘lar dilimga.

Go‘yoki mislsiz baxt,

Nur taralar yo‘limga.

Behro‘z RASHIDOV,

Surxondaryo viloyati Sho‘rchi tumani

Ko‘zi ojizlar maktab-internati, 8-sinf

Ukamning yaxshi ko‘rgan

Varragi sinib qoldi.

Qanotlari qayrilib,

Ucholmay rosa toldi.

Qo‘limga yelim olib,

Atrofida aylandim.

Varrakni tuzatmoqqa

Mehrim bilan shaylandim.

Niyating xolis ekan,

Ahil bo‘lsak juda soz.

Orzularingdek baland

Varraging qilsin

Orzularga oson yetib bo‘lmaydi,

Mehnat-u mashaqqat men bilan hamdam.

Har qilgan yaxshi ish ma’naviyatdir,

Onamning kulgusi men uchun bayram.

O‘rganib tolmayman, irodam toshdan,

G‘ovlarni yengaman mushkul bo‘lsa ham.

Orzularim albat ushalgusidir,

Dunyoni ko‘rganim eng katta bayram.

Gulshoda

Tog‘laridir purviqor,

Bog‘laridir maftunkor,

Onamdayin mehri bor,

Mening ona Vatanim.

Gullari nafis, anbar,

Boyligi oltin, marmar.

Quyoshi sochadi zar,

Mening ona Vatanim.

Madinabonu JUMAYEVA,

Surxondaryo viloyati Sariosiyo tumani 22-maktab 9-sinf

Ukam rosa yig‘ladi,

Onam “alla” kuyladi.

Uni tinglab mittivoy

Orom olib uxladi.

Yurakdan chiqqan “alla”,

Yaxshilikka yetaklar.

Onam bor mehrin qo‘shib

Aytar “alla”, ertaklar.

Mahmud PARDABOYEV,

Samarqand viloyati Qo‘shrabot tumani 42-maktab 6-sinf

Gar o‘qisam yorishar dilim,

Sahifasi zakovat, bilim.

O‘qib, uqib olyapman ta’lim,

Mening yaqin do‘stimsan, kitob.

Marjona XOLXO‘JAYEVA,

Surxondaryo viloyati Qumqo‘rg‘on tumani

25-maktab 7-sinf

Erta tong uyg‘oning,

Musaffo osmon.

Yangi kun bergani

Bizga katta baxt.

Derazam yonida

Qushlar chug‘urlab,

Tinchlikka, hurlikka

Aytar salovat.

Aziza QAYUMOVA,

Buxoro shahar 30-maktab 9-sinf

Tunlaringda gullar ochilsa,

Kuy taralib allalasa kunduzni.

Oymomo quyoshga ertaklar aytsa,

Qizim, deb erkalatsa yulduzni.

Qachon to‘shalarkan zaminga gilam

Shunchalar sog‘indim men seni ko‘klam.

Zarnigor SHERMATOVA,

Toshkent shahar Yashnobod tumani 206-maktab 9-sinf

Shuningdek, “Nishona” sahifamizga Farg‘ona viloyati O‘zbekiston tumani 16-maktab o‘quvchisi Parizoda Ro‘ziboyeva, Navoiy shahar 12-DIUM 7-sinf o‘quvchisi Umidjon Rahmonov, Toshkent shahar Bektemir tumani 289-maktab 8-sinf o‘quvchisi Mohichehra Ma’murjonova, Qoraqalpog‘iston Respublikasi Ellikqal’a tumani 13-maktab-internati, 6-sinf o‘quvchisi

O‘zbekiston Respublikasi Qurolli Kuchlari tashkil topganining 25 yilligi nishonlanmoqda. Shu kunlarda mamlakatimiz mudofaa qudrati, turli tarixiy davrlarda yuz bergan harbiy voqealar, davlatchilikning yuzaga kelishi va Qurolli Kuchlarining shakllanishi, buyuk sarkardalar hamda qahramonlar haqida tasavvurga ega bo‘lish uchun O‘zbekiston Respublikasi Qurolli Kuchlari Davlat muzeyiga sayohat

Qizaloqlik paytlarida radio, televideniye orqali yangraydigan qo‘shiqlar ohangiga monand tebranib, o‘z holicha nimalarnidir xirgoyi qilib yuradigan Mohichehradagi san’atga bo‘lgan ishtiyoqni, eng avvalo, buvisi payqadi. Nabirasi biroz ulg‘aygach, uning maqom yo‘nalishidagi qo‘shiqlarga qiziqishini sezib quvondi. “Nasib bo‘lsa, qizalog‘im xonanda bo‘ladi”, degan ezgu niyatni ko‘ngliga tugib,

Ahmadjon bu yil oltinchi sinfda o‘qiyapti. U juda sergap va sho‘x bola. O‘qituvchilarining aytishicha, Ahmadjonning harbiy bilim yurtida o‘qiyotgan Rustam ismli akasi bor ekan. U maktabda juda a’lochi, zehnli, og‘ir-bosiq bola bo‘lgan ekan. Ukasi esa uning aksi. Xotirasi yaxshi bo‘lsa ham, uni keraksiz narsalarga ishlatadi. Qaysi sinfga yangi o‘quvchi keldi, kim yaxshi mushtlasha oladi,

Kim kimga o‘xshaydi

– Oyimning aytishlaricha, mening burnim otamnikiga, ko‘zim buvimnikiga o‘xshar ekan, – dedi Sardor.

– Mening qulog‘im amakimnikiga o‘xshaydi, – dedi Umid.

– Mening shimim akamniki, – deb gapga aralashdi Shavkat.

Ota-bola suhbati

– Bugun maktabda nimalarni o‘rgandinglar? – so‘radi ota

Har kuni ertalab boshim qattiq og‘rib, o‘zimni lohas his qilaman. Buvim esa “Bu hammasi uyqudan kech turish va kam harakat qilishdan. Qiz bola epchil, chaqqon bo‘lishi lozim”, deya ta’kidlaydilar. Choyni xush ko‘ruvchi buvim har gal choynak ko‘tarib kirsam, meni maqtovlarga ko‘mib tashlaydilar...

Bu gal ham hozir maqtov eshitaman, degan o‘yda choyni ohista quyib uzatdim. Buvim choyni

Gulxanjon! Senga shuni faxr bilan aytishim mumkinki, maktabimiz o‘quvchilarining barchasi kitobxon. Qachon kutubxonaga kirsam, u yer bolalar bilan gavjum bo‘ladi. Chunki kutubxona mudirasi Ro‘zibibi opa Fayziyeva bolalar bilan doim muloqotda.

40 yillik tajribaga ega bo‘lgan kutubxonachimiz bolalarni kitobga qiziqtirish yo‘llarini juda yaxshi biladi. Kutubxonaga kelgan yangi kitoblar

Mening xayollarim... Oh, buncha chiroylisizlar-a! Hayot bermagan zavqni sizlar berasizlar go‘yo. Men sizlarni dunyodagi eng chiroyli gullarga o‘xshatgim keladi, ifori olamni tarovatga to‘ldiradi. Gulni shunchalar sevamizki, uni ko‘rgandan so‘ng qanday uzib olganimizni sezmay qolamiz. Keyin... Keyin so‘lib qoladi.

Yo‘q! Go‘zallik so‘lmasligi kerak. Demak gul emas. Balki bahordir!

Nafisa kichkinaligidan sportga havas qilib ulg‘aydi. Yon qo‘shnisi – Feruza opasining xalqaro musobaqalar, respublika chempionatlarida 3 marotaba 1-o‘rinni qo‘lga kiritgani haqidagi xabar uning mitti yuragida ham sportga qiziqish uyg‘otdi. Chempion opasining shoda-shoda medallarini qo‘liga olib ko‘rarkan, ich-ichidan “Men ham sport bilan shug‘ullanib, yuksak marralarni qo‘lga kiritaman”, deb

Yaqinda poytaxt universitetlaridan birida o‘qishni tamomlab, maktabga yangi kelgan Orif muallimning: “Bolalar, bilasizmi, Toshkent teleminorasi dunyodagi o‘nta eng baland inshootdan biridir”, degan gapidan so‘ng, o‘quvchilar birdan “O‘-o‘-o‘”, deb yuborishdi. Faqat orqa partada o‘tirgan, sinfdoshlari bilan hadeb bahslashavergani uchun ular tomonidan “Aqlli” degan kinoyaviy laqab orttirgan

Yuliya Markova

Kechagina Anton Vertalyotov ixtirochi bo‘lmoqchi edi, o‘tgan kuni – haydovchi, bir hafta oldin esa tankchi bo‘lish orzusida edi. Ammo bugun shoir bo‘lishga qat’iy qaror qildi.

“Mix” nomli maktab devoriy gazetaning navbatdagi soni chiqdi. Bu gazeta iste’dodli bolalar haqida bo‘lib, gazetaning har bir sonida

Oppoq osmondan o‘ynab-o‘ynab tushayotgan qorparcha yerga tezroq yetib borishga oshiqdi. Chunki uning qanday ekanligini ko‘rishga qiziqayotgan edi-da. Yerga yaqinlashar ekan, yon-atrofida do‘stlarini ko‘rib quvondi. Birovi oldinroq, birovi keyinroq uchib kelishyapti. Ular bu safarga chiqmaslaridan avvalroq qorbola haqida eshitishgan. Barchalari qorbolaga aylanishni niyat

2016-yili jurnalimizda “Sog‘lom ona va bola yili” munosabati bilan “Sog‘lom bola – boy bola” tanlovi e’lon qilinganidan xabardorsiz. Tanlov shartlarini to‘la anglab yetgan o‘quvchilar she’r, hikoya, maqola, lavha, fotosuratlar va rasmlar orqali chinakam sog‘lom bola qanday bo‘lishi, nima uchun sog‘lom bola boy bo‘lishini badiiy tasvirlar, aniq fikrlar orqali ifodalashga harakat qilishgan. Biz

CHAYNVORD 1. Vaqt o‘lchov birligi. 2. Yangi yil birinchi bo‘lib kutib olinadigan mamlakat. 3. Qishning so‘nggi haftasiga berilgan nom. 4. Soat jarangi. 5. Dunyo vaqti deb qabul qilingan Buyuk Britaniya hududidan o‘tuvchi meridian. 6. Mo‘g‘ulistonda qorbobo bo‘lib xonadonlarga tashrif buyuradigan kasb egasi. 7. “Rio – 2016” olimpiada o‘yinlarida rekord o‘rnatib, chempionlikka

• Dunyodagi eng katta yong‘oq Seyshel orolida o‘sadi. 1 dona yong‘oq 13-25 kilogrammgacha tosh bosadi.
• Dunyodagi eng kichik gul volffiyaning diametri 1 millimetr, ya’ni taxminan to‘g‘nog‘ichning uchiday keladi.
• Dunyoda eng katta hisoblangan kitsimon akulaning uzunligi 12-20 metrni, og‘irligi 15-20 tonnani tashkil etadi. Eng mitti tikanli akulaning uzunligi esa 40-45