Maktabimiz bogʻini

Yashnatamiz barchamiz.

Unda bor olma, oʻrik,

Biz ham bir niholchamiz.

Mehnat qilamiz tinmay,

Charchash neligin bilmay,

Doʻstga koʻmak beramiz

Mehrni kanda qilmay.

Biz mustaqil yosh avlod

Yurtga boʻlamiz qanot.

Ulgʻayib tinch zamonda

Vatan quramiz

Jon baxshida etarkan Xudo,

Ajib tuygʻu etdi rahnamo.

Es tanibman, mubtalo dilman,

Ishqing bilan yonaman, Vatan.

Har jilvangdan osoyish topib,

Unib-oʻsdim mehringda oqib.

Goʻzalliging kuylagim kelar,

Chin qalbimdan yuragim yonib.

Qayda boʻlsam dilimda yoding,

Bizlar jasur, mard

Moviy samo uzra tinchlik navosi,

Sukut ogʻushida yurak sadosi.

Har mahal yurtimga qilganda safar,

Tinchlik nashidasin kuyla, kabutar.

Orzularim cheksiz ummon singari,

Har biri chorlaydi yorugʻ yoʻl sari.

Mehrsiz yurakda boʻlmay darbadar,

Joʻshqin qalblarga joʻr boʻlgin, kabutar.

Goʻzallik jonimga

Shamol, shamol, shamoljon,

Buncha shoshib esasan.

Daraxtlarni silkitib

Qay manzilni kezasan?

Har tomonga yugurib,

Koʻrsatasan kuchingni.

Tinim bilmay yelasan,

Bilasan oʻz kuchingni.

Samandar BAHROMOV,

Surxondaryo viloyati Shoʻrchi tumanidagi 18-maktabning 3-sinf oʻquvchisi

Salom bermay oʻtgan bola

Sen, qayerda oʻsgan bola?

Ota-onang, ajdodlaring,

Kimligin unutgan bola.

Salomingga birov zormi?

Salomingga birov xormi?

Yuraging shunchalar tormi?

Beodoblik qilgan bola.

Hurmating yoq kattalarga,

Iltifotni bilasanmi?

Bilki, besalomlar xunuk,

Sen ham

Besh tashabbus bizlarga –

O‘g‘illarga, qizlarga

O‘qish uchun imkondir,

Ishlash uchun makondir.

Beshta muhim tashabbus –

Yo‘limizga shamchiroq.

Adashmaymiz bu yo‘ldan,

Xatolar bizdan yiroq.

O‘qish, yozish, chizishdan

Bergaydir bizga saboq.

Ilm olish yo‘lida

Bo‘lgaydir bizga

Pichirlaydi labini bosib,

Qulog‘imga mayin shabboda.

Go‘yo sarmast baxtning kuyidan,

Orzularin etar ifoda.

Bu shabboda xayollarimni,

Goh to‘zg‘itib, goho yig‘adi.

Bolishimga bog‘lab boshimni,

Xotiramni zimdan titadi.

Bir kuldirib, bir yig‘latadi,

Eh, shabboda shumlikni bilar.

Kutmagan payt

Mushugim bor sariqvoy,

Ham chiroyli, yoqimtoy.

Yunglarini tarayman,

Goh erkalab silayman.

Sut berardim har kuni,

Bilmay qoldim bir kuni –

Jo‘jalarga chang solgan,

Qolsa, bir jo‘ja qolgan.

Ko‘p koyidim jahlda,

Xafa bo‘ldi u mendan.

Ichmayapti u sutni,

Qo‘msayaptiyov

Eng yaqin do‘stim – kitob

Ezgulikka chorlaydi.

Go‘yo misoli oftob

Yuragimda porlaydi.

E’zozlayman hamisha,

Suyanchimdir har ishda.

Hech ajralmas do‘stimdir,

Yonimda, o‘ng-u tushda.

Dilnura BURHONJONOVA,

Namangan shahridagi Prezident maktabining 5-sinf o‘quvchisi

Fasllar almashar birinma ketin,

Har fasl o‘z ko‘rkin etar namoyon.

Biri ko‘ngillarga berar orom-tin,

Biri qalbning torin chertar nogohon.

Har fasl o‘zgacha ajib bir hisli,

Har fasl jilosi kamalakka teng.

Tabiat bizlarni siylagay asli,

Olamning shundayin ochiq, ko‘ngli keng.

Almashar har fasl navbati

Oftob bo‘lib yo‘limni

Yoritadi kitobjon.

Uning kabi sodiq do‘st

Topolmadim hech qachon.

Har satrida orzular

Qo‘shiq aytib kezadi.

Hikmat to‘la satrlar

Shuurimni bezadi.

Yaxshi hamda yomonni

Undan o‘rganib oldim.

Kitobjon, ming-ming rahmat,

Sendan ko‘p saboq

Osmonda bo‘ldi paydo

Qovog‘i soliq bulut.

Oftob berkindi qayga,

Issiq yoz bo‘ldi unut.

Balki bulut ortidan

Bechora ma’yus boqar.

Sovuq kunda dam olish

Balki, oftobga yoqar?

Mushtariy CHORIYEVA,

Toshkent shahar

Yashnobod tumanidagi

341-maktabning 6-sinf

Biz  uchun dunyoda benazir inson,

Sochingiz oq rangga bo‘yagan bizmiz.

Hayot bog‘idagi sohibkor bog‘bon,

Halollik, mardlikning timsoli sizsiz.

Otajon, qoyasiz, suyanganim siz,

Hamisha mehringiz qo‘msab turaman.

Jajji yuragimga  orzular solgan –

Sizsiz. Umrim bo‘yi asrab

Ayoz keldi qor bilan,

Misli oq tulpor bilan,

Adirlarga yog‘di qor,

Go‘yo yerda qasdi bor.

Qor to‘xtashni o‘ylamas,

Bolalar tashvish qilmas.

Vodiy libosi kumush,

Go‘yo yoqimli bir tush.

To‘lqinjon SOBIROV,

Toshkent shahar Uchtepa tumanidagi

283-maktabning 6-sinf o‘quvchisi

Ona tilim – bek tilim,

Jaranglar kuylarimda.

Qalbga singding onamning

Allasin suyganimda.

Tarix silsilasidan

Meros bo‘lib qolganim.

So‘zdan marvarid tizib,

She’r-u baytga solganim.

Mir Alisher bobomning

Nafasi kelgan tilim.

Barcha turkiy tillarning

Asl gultoji

Kitob, bilimga konsan,

Ma’rifatga makonsan,

Ezgulikka chorlaysan,

Quyosh misol porlaysan.

Baxtga ko‘prik narvoning

Samolarga ulangan.

Ko‘hna, azim karvoning

Tog‘lar bilan tutashgan.

Dilbarxon MUSAYEVA,

Farg‘ona viloyati Bag‘dod tumanidagi

20-maktabning 7-sinf o‘quvchisi

Mevalar malikasin

Oldim qo‘limga.

Shunda dunyo zavqlari

Chiqdi yo‘limga.

Yorgan edim yuzimga

Sachradi “qon”i.

Nazarimda sho‘rlikning

Og‘ridi joni.

Donalar jilvasidan

Ko‘zim qamashdi.

Anorning ta’rifiga

So‘zim adashdi.

Yesam ekan ko‘p

“Ona” desam ko‘z oldimda

Jilolanar mehribon quyosh.

Beg‘ubor, bolalik yodimda,

O‘yinqaroq, sho‘x edim, bebosh.

Onajonim mehrin taftida

Sho‘xliklarim erib ketardi.

Toza dunyo zavq-u shavqi-la,

Go‘yo olam nurga to‘lardi.

Jalilbek Sharifjonov,

Toshkent shahar

Uchtepa

Nuragan paxsa devor

Bag‘rida eski tandir.

Mung‘ayib bazo‘r turar,

Ko‘rgan labini burar.

Ichi-tashi yorilgan,

Bilmam qachon qurilgan,

– Tashlaylik sharta  buzib,

Yotavermasin to‘zib, –

Dedim dadamga bir kun.

Dadam biroz oldi tin:

– Bu bobong qurgan tandir,

Buving yopgan non, patir.

To‘ydirgan

Kuchugim mitti Bo‘ynoq

O‘zi judayam o‘ynoq,

Yugurar u yon, bu yon,

Tinim bilmaydi bir on.

Izlar nimalarnidir,

Bilmam, tashvishi nedir?

Topibdi suyak, arang!

Xursand likillar qarang.

Nozima RUSTAMBEKOVA,

Urganch shahridagi 30-IDUMning

5-sinf o‘quvchisi

Ushalmas orzular bir kun ushalar,

Poyingga anvoyi gullar to‘shalar.

Yorishar uzoq va yaqin go‘shalar,

Navoiy g‘azalin bir bor o‘qisang.

Ilmga  mehrni qalbga joylaysan,

Elingga xizmatga o‘zing shaylaysan.

Ezgulik neligin shunda anglaysan,

Navoiy g‘azalin takror o‘qisang.

Mohinur

Uyimizning fayzi, ko‘rki,

Oilamiz quvonchi.

Farzandlarning qo‘rg‘onisiz,

Kelajakka ishonchi.

Har kuningiz o‘tar bizning

Hayotimizni o‘ylab.

Charchamaysiz farzandlarga,

Dono o‘gitlar so‘ylab.

Siz suyangan tog‘imizsiz,

O‘zingiz ulug‘ qo‘rg‘on.

Gaplaringiz bizlar uchun

Maktab bo‘lar,

Qalbi libosidek oq kabutarlar,

Samolarda juft-juft qiladi parvoz.

Go‘yoki sevinchdan raqsga tushib,

Tinchlik kuyin kuylar baralla ovoz.

Lazzatxon Qosimova,

Qoraqalpog‘iston Respublikasi

Beruniy tumanidagi 67-maktab o‘quvchisi

Har bir so‘zi durdona,

Boqishlari nurona,

Yomonlikka begona,

Mehribon onajonim.

Kulib turar ko‘zlari,

Bol qo‘shilgan so‘zlari,

Qani bo‘lsam izlari,

Mehribon onajonim.

Guldek yashnab yursinlar,

Baxtimizni ko‘rsinlar,

Chinor bo‘lib tursinlar,

Mehribon

Ilm berar har satring,

Har nedan shirin atring,

Noshudlar bilmas qadring,

Oftobimsan kitobim

Sen yo‘limda charog‘im.

Sen dunyoga eshiksan,

Ma’rifatga beshiksan,

Kitobxonga intiqsan,

Oftobimsan kitobim

Sen yo‘limda charog‘im.

Yuragimga oziqsan,

Jonsiz ammo sodiqsan,

O‘chmaydigan

Vatan,  deya  jon  berib,

Jondan  kechganlar  qancha.

Xazon  yaprog‘i  kabi,

Bevaqt so‘lganlar qancha.

Bu  shukuhli  onlarga 

Yetolmasdan armon-la,

Mustaqillik  faxrini

Tuymay ketganlar  qancha.

Bobolarni yod etib,

Etaylik ruhlarin  shod.

Ular

Deraza ortida shivir-shivirlab,

Ko‘klam shabadasi mayin yelmoqda.

Daraxtlar, maysalar sochini silab,

Qalbimni uyg‘otib, bahor kelmoqda.

Maydalab, zarralab yog‘moqda yomg‘ir,

Bahorning ranglari bag‘ishlar ilhom.

Tabiat mavjlanib, ko‘ngil uyg‘onib,

She’r yozgim kelyapti har lahza, har

Kitob – yaqin do‘stimiz,

Dunyolarni tanitgan.

U bilan biz ustunmiz,

Dadil marraga yetgan.

Kitob – go‘yo bir chaman,

Ko‘ngillarni yashnatgay.

Ming yillardan keyin ham,

Yashar, qo‘llardan tushmay!

 Nozimaxon Bahodirova,

Toshkent shahri Olmazor

Yaratuvchi egam yaratib olam,

Unga qalbi daryo xilqat bitibdi.

U dunyoda tengsiz, mehribon ekan,

Hatto podsholar ham boshin egibdi.

Barcha hurmat hamda iltifot bilan

Mehr  ko‘zi bilan boqibdi unga.

U Ona atalmish ulug‘ zot ekan,

Qalb qo‘rini sochgan dunyo-yu

Badiiyat ajdodlardan bir meros,

Sarkash-u oshufta dillarga malham.

Zulmatni yoritgan nursan betimsol,

Sening asiringman, shubhasiz, men ham.

Adabiyot – tengsiz lojuvard samo,

Sohir so‘zlar ichra ming bir jilolar.

Osmoningda minglab Cho‘lponlaring bor,

Bag‘ring to‘la turfa go‘zal dunyolar.

Bu dunyoga

Xizmat qilar Vatanga,

Qo‘rqmas, jasur askarlar.

Tinchligimiz saqlagan,

Siz dovyurak, askarlar!

Ular bor ko‘nglimiz tinch,

Uxlaymiz  bexavotir,

Baxsh etar baxt-u sevinch,

Asl o‘g‘lonlar, botir.

Shabnam IzzatillaYeva,  

Toshkent shahri Mirobod

Zarrin nurlari-la sochimni silab,

Quyosh uyg‘otadi erta tong bilan.

Ko‘ksimni ochaman kengliklarga men,

Yuragim uyg‘onar go‘yo bong bilan.

Assalom, momo yer, assalom, quyosh,

Assalom, men tuygan ey, tonggi nafas.

Assalom... Aks sado berar uzoqdan.

Yuragim bongiday jarangdor bir sas.

Tong shunday

Bo‘lsam mabodo bemor,

Peshonamdasiz bedor.

Tuzalishim-chun darddan

Shirin so‘zingiz malham.

Quyosh yerni qizdirsa,

Siz men uchun oftobsiz.

Qalbingizda g‘ubor yo‘q,

Yozilmagan kitobsiz.

Ilmingiz sarhadi keng –

Siz birinchi ustozim.

“Farzandim a’losi” – deng,

“Durdonam – deng,

Eh qushchalar, qushchalar,

Hech tinmaysiz, uchasiz.

Erkinsiz-ey shunchalar

Samolarni quchasiz.

Dalalarni titasiz,

Ekin sog‘lom bo‘lsin deb.

Hasharotlar tutasiz,

Buguningiz g‘amin yeb.

Rizqingizni tabiat

Yer-u ko‘kka sochibdi.

Shu sababdan samo, yer

Sizga bag‘rin

Dugonam cho‘ntagini

Huv, ichidan teshibdi.

Ne-ki solsa cho‘ntakka,

Etagiga tushibdi.

Olaman deb ularni

Qidirgani, qidirgan.

Ba’zida-chi, yordamga

Dugonalar ham kelgan!

Tikaman deb uyiga

Borsa, esidan chiqar.

Dugonamning cho‘ntagin

Bunaqada kim

“Tarbiyaning eng yaxshisi tuyg‘ular tarbiyasidir”, – deb bejizga aytishmaydi. Bunda ijodning,  adabiyotning  ahamiyati nihoyatda katta.  

Gulinur Shodmonqulova hamda Shahrizoda Jumanazarovalar Qashqadaryo viloyati Qarshi shahridagi 29-maktabda tashkil etilgan “Adabiyot gulshani” to‘garagi a’zolari. Ularning

Shoshilmasdan chumoli

Asta – asta qimirlab,

Butun boshli boshoqni

Sudrab borar g‘imirlab.

Bir zumga dam olmaydi,

To‘xtamaydi yo‘lida.

Qishning g‘amini yeydi,

Yozning saratonida.

Oysha RAHMATULLAYEVA,

Namangan viloyati To‘raqo‘rg‘on tumani

53-maktab 3-sinf

Ukam tunda yig‘ladi,

Onam alla kuyladi.

Allani tinglab ukam

Orom olib uxladi.

Onam bor mehrin qo‘shib,

Aytar alla, ertaklar.

Yurakdan chiqqan nola

Yaxshilikka yetaklar.

Rayhona ABDULLAYEVA,

Toshkent viloyati Angren shahri

7-maktab 6-sinf

Tong otar – bobo quyosh

Nurlarin taratadi.

Sharqdan ko‘targancha bosh,

Bizlarni uyg‘otadi.

Kapalak uchar har yon,

Qo‘nadi guldan gulga.

Onam yopar shirmoy non

Ertalabdan tandirda.

Fariza Jumayeva,

Qashqadaryo viloyati Qarshi tumani

27-maktab 7-sinf

Orzular tuganmas pok yuragimda,

Ollohim madadkor har bir onimda!

Orzular ro‘yobin ko‘rmoqlik uchun,

Bo‘lsin ota-onam doim yonimda!

Ota-yu onamdir mening boyligim,

Har qanday holimda hotamtoyligim.

Mehribon, bebaho,  jondan azizlar,

Sizlar tufaylidir dunyom, borligim.

Mehringiz taftida yuribman

Ayvonimda in qurib,

Musicha tuxum qo‘ydi.

Bundan sevinib buvim,

Qut-barakaga yo‘ydi.

Qarab-qarab qo‘yaman,

Xabar olib turaman.

Polopon ochib chiqsa,

Men ham uni suyaman.

Qushlar bizning  do‘stimiz,

Biz ularga mehribon.

Cho‘chitmaymiz ularni –

Doim bo‘lishsin

Nega yozmaysan, ruchka,

Qoldingmi yoki kuchdan.

Masalani yechmasam,

Quruq qolaman “besh”dan.

Tixirlik qilaversang,

Jazoingni olasan.

Maktabga ketgan chog‘im,

Uyda yolg‘iz qolasan.

Senga o‘rtoq bo‘lmayman,

Qo‘limga ham olmayman.

Dangasa bo‘lgan ruchka

Chiqadi-da

Deraza ortida yana shabada,

Shivir-shivirlab u mayin esmoqda.

Qarang, buncha tarovatli manzara,

Qalbimga jilmayib bahor kelmoqda.

Tabiat uyg‘onmoqda, soylar oqmoqda,

Maydalab, zarralab yomg‘ir yog‘moqda.

Osmondagi qushlar sho‘xchan uchmoqda,

Qalbimga jilmayib bahor kelmoqda.

Daraxtlar kurtak otib,

Yurtimning tog‘larida,

Chiroyli bog‘larida,

Bag‘ri keng osmonida,

Qanot yoygin xumo qush,

Parvoz qilgin xumo qush!

 Sen borsan – emassan tush,

 Har zarrasi ziyo qush,

 Biz yoshlarga berib kuch,

 Qanot yoygin, xumo qush!

 Parvoz qilgin, xumo

Gar bo‘lsa bu hayot misli bir kitob,

Unga mazmun bergan tabarruk ustoz.

Bilim osmonida porlagan oftob,

Qancha e’zozlasak asli shuncha oz.

Uztozdir yo‘limiz yoritgan chiroq,

Ilm sirlaridan u bergan ta’lim.

Zahmatli yo‘lida oqar ming irmoq,

Irmoq-shogirdlari, daryo –  muallim.

Ifora

Yuvib yesang, bolajon

Baquvvat bo‘lar yurak.

O‘rikka mehr bergan,

Bog‘bon boboga rahmat.

Mashhura Usmonova,

Jizzax viloyati G‘allaorol tumani

66-maktab 10-sinf

Davr-u davron keldi, o‘zgardi zamon,

Buyuk kelajakka ko‘z tikar inson,

Yurakda ishtiyoq, kuchli hayajon,

Yo‘ling yorug‘ bo‘lsin, Yangi O‘zbekiston!

Uchinchi renessans, yuksalish vaqti,

Marraga yetishmoq yoshlarning ahdi.

Yangi O‘zbekiston – Ona xalq baxti

Yo‘ling yorug‘ bo‘lsin, Yangi

Bir kuni ukasidan

So‘rab qolibdi Hasan:

– Konfet hamda pul bersam,

Qay birini olasan?

– Akajon, – der Husanboy.

– Ishonsangiz so‘zimga,

Yaxshisi, siz konfetni

Solib qo‘ying og‘zimga.

Pul sig‘adi cho‘ntakka,

O‘rin qolmaydi gapga.

Gulbahor Anvarova,

Farg‘ona

Olis qishloq so‘lim go‘shada,

Barpo bo‘ldi kattakon maktab.

Keling do‘stlar yig‘ilsin barcha,

Yoshlar bilan bayram nishonlab.

Bunga sabab Eshpo‘lat bobom,

Quruvchi-yu muhandis akam.

Barchasining boshida turgan,

Yurtboshimiz – Prezident bobom.

Minnatdormiz barcha bolalar,

Qolaversa, muallimlar

Ariqlarda jimirlaydi suv,

Gullar misli kelinchak suluv.

Novdadagi oppoq g‘unchalar,

Bolarilar shaydo shunchalar.

Tong saharda ochilsa gullar,

Shudring taqib qo‘yar sirg‘alar.

Qurilmoqda ko‘rkam binolar,

Maktab, bog‘cha va xiyobonlar.

Chor atrofi yashnagan chaman –

Men tug‘ilgan qishloq shu